فیفا ورلڈ کپ 2022 میں بڑا اپ سیٹ ہوا ہے، سعودی عرب نے ارجنٹینا کو دو ایک سے ہرا دیا ہے۔

دوبار کی عالمی چیمپئن ارجنٹائن ورلڈکپ میں پہلا میچ نہ جیت سکی۔ ارجنٹائن کی طرف سے واحد گول میسی نے پیلنٹی کک پر کیا۔

سعودی عرب کی طرف سے صالح الشیری اور سالم الداوسری نے ایک ایک گول کیا۔ارجنٹائن کے 3 گول کھلاڑیوں کے آف سائیڈ ہونے کی وجہ سے ضائع ہو گئے۔

ارجنٹائن کی عالمی رینکنگ تیسری جب کہ سعودی عرب کی عالمی رینکنگ اکیاون ہے۔

اس شکست کے بعد میسی کا ورلڈ کپ جیتنے کا خواب پھر خطرے میں پڑ گیا ہے کیونکہ ارجنٹائن اور سعودی عرب کے گروپ میں میکسیکو اور پولینڈ کی تگڑی ٹیمیں موجود ہیں۔