اسلام آباد: چیف جسٹس آف پاکستان نے قصور زینب قتل کیس کے مجرم عمران کی رحم کی اپیل پر جلد فیصلہ کرنے کی ہدایت کردی۔

معصوم زینب کو اپنی حوس کا نشانہ بنانے والے مجرم عمران کی رحم کی اپیل کے خلاف درخواست کی سماعت چیف جسٹس کی سربراہی میں تین رکنی بنچ نے کی۔ درخواستگزار نے موقف اپنایا کہ  مجرم عمران نے صدر مملکت سے رحم کی اپیل کررکھی ہے، اپیل کا فیصلہ نہ ہونے سے مجرم کی سزا پر عملدرآمد تاخیر کا شکار ہے۔

چیف جسٹس نے صدر مملکت کے پرنسپل سیکرٹری کو درخواست پر جلد  فیصلہ کرنے کی ہدایت کرتے ہوئے درخواست نمٹا دی۔