( سو لفظوں کی کہانی)

عید کے تیسرے دن محلے والوں کے ساتھ باتیں ہو رہی تھیں۔
عید پر قربانی کے جانور بہت مہنگے تھے۔
جاوید صاحب نے بتایا اس عید پر انہوں نے پندرہ لاکھ کا اونٹ قربانی کے لیے خریدا تھا۔
آفاق صاحب بتانے لگے تین لاکھ کے تین موٹے تازے بکرے خریدے تھے۔
احمد بھائی بتانے لگے انہوں نے سات لاکھ کی گائے خریدی تھی، جس کی تعریف تمام رشتے داروں نے کی۔

اسی اثناء میں قریب سے پچھلی گلی کا بچہ اپنی ماں کو یہ کہتے ہو گزر گیا۔
“عید کے تین دن گزرنے کو ہیں، ماں ہمارے گھر قربانی کا گوشت کب آئے گا؟”